आज जोलू भोल जोलू बरसु बीति गेनी,
डाँड़ी काँठी भेटण जोलू बाटू भुलि गेनी।
मेरु पराण मेरी पछाण जलम भूमि छे व,
धे लगान्दि गाड़-गदनि मैं मिलण भी ऐ व।
कन भचयांदी थे दादी मेरी व क़नूड फुटि गेनी,
बाच देदेइक गोला गलवाड़ा फुली गेनी।
मैन सुणि बल टूटिगे कुड़ी बल पठाली रेडी गेनी,
धीवड़ा, छिपड़ा, मूसा, बिरला सभी खोले गेनी।
आज जोलु --------------------------------------
डाँड़ी काँठी --------------------------------------
कुडा पेतर मोरा ऐतर, सोलु रिखलु भाई,
कमोली, बठगी, थाली, करछी, गदरा लुकण ग्याई।
भैंसा-बखरा, गोडा-बछला, घेणा-अणयाट धरु धार,
बाड़ा-उज्याड़, सगोड़ा-गुड़्यार बे, देखंडी त्येकु तिबार।
चुल्लु-सिलोटु, कुंडू-उल्ख्यारु, लग्यां छन बल सार,
चा बणालु, गिंजालु उठालु क्वे, लौण पिसलु अबकी बार।
आज जोलु --------------------------------------
डाँड़ी काँठी --------------------------------------
डाला-बोटा, फंगा -टुकेंडा अफु रेगेनी हालांदा,
चूली-खुमानी, अरु-अखोड़ो कि ढांग लगायीं त्वेकू लाटा।
स्वेटा-सुलयट्टा, जुड़ा-दथडा, क्वीडा सड़ी गेनी,
देँ कुटणु कु घाम बुडिगे, चौक टूटी गेनी।
खोली खुलिगे, कुण्डी झडिगे, चौक टपरान्दु,
झोंकलां-फोकला, केम्पु-हिसरुका, बाटू रगरयांदू।
आज जोलु --------------------------------------
डाँड़ी काँठी --------------------------------------
बाटा-घाटा, जग्वाल रेगिनी, रेगिनी घुघूती घुराणी,
निन्यारा तख नींनरयाट करणा, डांडी-काँठी फूटी रोणि।
भेरू-देबता, भूत-अछरी सब हाथ जोडणा त्वेकू,
ओ लठ्याला ये स्वर्ग अपड़ा, मुख जतरा कन ऐतू।
बूढ़-भूढयों का दांत झड़ी गेन, फुली गेन सप्पा बाल,
घ्यू गलायु, हलुंगु सलयायु त्वेकु बुलोंंदी रेगी बग्वाल।
आज जोलु --------------------------------------
डाँड़ी काँठी --------------------------------------
डाँड़ी काँठी भेटण जोलू बाटू भुलि गेनी।
मेरु पराण मेरी पछाण जलम भूमि छे व,
धे लगान्दि गाड़-गदनि मैं मिलण भी ऐ व।
कन भचयांदी थे दादी मेरी व क़नूड फुटि गेनी,
बाच देदेइक गोला गलवाड़ा फुली गेनी।
मैन सुणि बल टूटिगे कुड़ी बल पठाली रेडी गेनी,
धीवड़ा, छिपड़ा, मूसा, बिरला सभी खोले गेनी।
आज जोलु --------------------------------------
डाँड़ी काँठी --------------------------------------
कुडा पेतर मोरा ऐतर, सोलु रिखलु भाई,
कमोली, बठगी, थाली, करछी, गदरा लुकण ग्याई।
भैंसा-बखरा, गोडा-बछला, घेणा-अणयाट धरु धार,
बाड़ा-उज्याड़, सगोड़ा-गुड़्यार बे, देखंडी त्येकु तिबार।
चुल्लु-सिलोटु, कुंडू-उल्ख्यारु, लग्यां छन बल सार,
चा बणालु, गिंजालु उठालु क्वे, लौण पिसलु अबकी बार।
आज जोलु --------------------------------------
डाँड़ी काँठी --------------------------------------
डाला-बोटा, फंगा -टुकेंडा अफु रेगेनी हालांदा,
चूली-खुमानी, अरु-अखोड़ो कि ढांग लगायीं त्वेकू लाटा।
स्वेटा-सुलयट्टा, जुड़ा-दथडा, क्वीडा सड़ी गेनी,
देँ कुटणु कु घाम बुडिगे, चौक टूटी गेनी।
खोली खुलिगे, कुण्डी झडिगे, चौक टपरान्दु,
झोंकलां-फोकला, केम्पु-हिसरुका, बाटू रगरयांदू।
आज जोलु --------------------------------------
डाँड़ी काँठी --------------------------------------
बाटा-घाटा, जग्वाल रेगिनी, रेगिनी घुघूती घुराणी,
निन्यारा तख नींनरयाट करणा, डांडी-काँठी फूटी रोणि।
भेरू-देबता, भूत-अछरी सब हाथ जोडणा त्वेकू,
ओ लठ्याला ये स्वर्ग अपड़ा, मुख जतरा कन ऐतू।
बूढ़-भूढयों का दांत झड़ी गेन, फुली गेन सप्पा बाल,
घ्यू गलायु, हलुंगु सलयायु त्वेकु बुलोंंदी रेगी बग्वाल।
आज जोलु --------------------------------------
डाँड़ी काँठी --------------------------------------
